Surxondaryoda "Yangi Oʼzbekiston yoshlari, birlashaylik" shiori ostida oʼtkazilayotgan yoshlar festivali doirasida Termiz Аrxeologiya muzeyida Surxondaryo viloyat hokimligi va TerDU hamkorligida “Surxondaryo tarixini bilasizmi?” tanlovi bo‘lib o‘tdi.
Viloyatning qadimiy tarixi, boy oʼtmishi, milliy anʼanalari, ajdodlarimizning boy ilmiy-ijodiy merosi, turizm salohiyati, goʼzal tabiiy imkoniyatlari haqidagi bilimlarini mustahkamlash maqsadida tashkil etilgan intelektual bellashuvda har bir tumandan bittadan jamoa uchta shart boʼyicha oʼz bilimlarini sinab koʼrishdi.
Umumiy natijasiga koʼra
1-o‘rinni Sho‘rchi tumani, 2-o‘rinni Termiz shahri, 3-o‘rinni Angor tumani bilimdonlari egallashdi.
Gʼolib jamoalar viloyat hokimligining diplom va esdalik sovgʼalari bilan taqdirlandi.
