Davlatimiz rahbarining 2020 yil 2 oktabrdagi Qoraqalpog‘iston Respublikasiga tashrifi doirasida 2021 yil Bo‘zatov tumanida "Respublika yoshlar ovozi" festivali tashkil etilishi belgilangan edi.
Joriy yilning 7-9 iyun kunlari Bo‘zatov tumanida bo‘lib o‘tgan festivalning respublika bosqichida barcha viloyatlardan tashrif buyurgan 87 nafar ishtirokchi ikki yosh toifasida (5-15 yosh va 16-30 yosh) "Baxshichilik va an'anaviy ijro", "Opera" va "Estrada" yo‘nalishlarida o‘z iste'dodlarini namoyon etishdi.
Termiz davlat universiteti San'atshunoslik fakulteti Musiqa ta'limi yo‘nalishi 3-kurs talabasi Abdurahmon Abdunazarov "Baxshichilik va an'anaviy ijro" yo'nalishining 16-30 yosh toifasida ishtirok etdi hamda 2-o‘rinni egallab, 25 million so‘m pul mukofoti bilan taqdirlandi.
Universitet jamoasi Abdurahmon Abdunazarovni ushbu g'alabasi bilan qutlaydi hamda kelgusidagi ishlariga muvaffaqiyat tilaydi.
