Oʻzbekiston Respublikasi Oliy Sudi Komilov Kozimjon Fazilovich, Oʻzbekiston Respublikasi Bosh prokurori Yoʻldoshev Nigmatulla Toʻlqinovich, Oʻzbekiston Respublikasi Adliya vaziri Davletov Ruslanbek Quroltoyevichlar ishtirokida Termiz davlat universitetida tahsil olayotgan talaba-yoshlar bilan uchrashuv boʻlib oʻtdi.
Rektor A.Maraximov TerDU da tashkil etilgan Yuridik fakultetining faoliyati hamda imkoniyatlari bilan tanishtirdi.
Uchrashuv davomida mehmonlar mamlakatimizda yoshlarga yaratilayotgan imkoniyatlar, qonunchilikdagi imtiyozlar, yangiliklar to'g'risida ochiq muloqot qilishdi.
Mehmonlar mamlakatimizda huquqni muhofaza qilish yoʻnalishi rivoji haqida talabalar bilan oʻrtoqlashdi. Fakultetda tahsil oluvchi talabalar yoʻnalishlar boʻyicha huquqni muhofaza qiluvchi organlarda amaliyot oʻtash uchun taklif etildi.
Yoshlarning muammolarini oʻrganish va ularga yanada keng imkoniyat va sharoitlarni yaratish maqsadida tashkil etilgan uchrashuvda yoshlar oʻzlarini qiziqtirgan savollariga javob olishdi.
Oʻzaro doʻstona muloqot, tajriba oʻrganish va fikr almashish ruhida oʻtkazilgan ushbu uchrashuv barchaga manzur boʻldi.
Termiz davlat universiteti Matbuot xizmati
