Rossiyaning Qozon federal universiteti filiali — Naberejniye Chelni instituti rahbariyati vakillari Termiz davlat universitetiga tashrif buyurishdi.
Tashrifdan koʻzlangan maqsad ikki oliy taʼlim muassasalari oʻrtasida hamkorlik aloqalarini oʻrnatish hamda bu yoʻnalishda dastlabki hamkorlik yoʻnalishlarini belgilashdan iborat edi.
Jumladan, ikki oliygoh oʻrtasida anglashiluv memorandumi hamda 9 ta taʼlim yoʻnalishida qoʻshma dastur asosida kadrlar tayyorlashni yoʻlga qoʻyish boʻyicha shartnoma imzolandi. Hamkorlik asosida TerDU da 5330600 – Dasturiy ta'minot, 5312600 – Mexatronika va robototexnika, 5311300 – Kadastr (faoliyat turi bo'yicha), 5340200 – Bino va inshootlarni qurish, 5130200 – Amaliy matematika va informatika,5230100 – Iqtisod, 5240300 – Davlat va jamoat boshqaruvi, 5232600 – Biznes informatika, 5630100 – Ekologiya va atrof-muhitni muhofaza qilish kabi ta’lim yo’nalishlari ochilishi va ushbu yo’nalishlarda malakali kadrlar tayyorlashga kelishildi.
Uchrashuvda oliy taʼlim sohasidagi oʻzaro hamkorlikni rivojlantirish masalalar muhokama qilindi.
Termiz davlat universiteti Axborot xizmati
