Barchamiz bilamizki, libos — kishining tashqi ko‘rinishi, ma’naviy dunyosi, tafakkuri hamda ichki xislatlarini o‘zida namoyon eta olish xususiyatiga egadir. Bugungi kunda yurtimizda kiyinish madaniyatiga bo‘lgan e’tibor talab darajasi sifatida ko‘rilmoqda.
Joriy yilning 27 may sanasida Surxondaryo viloyat Mahalla va oilani qo’llab-quvvatlash boshqarmasi hamda Termiz davlat universiteti hamkorligida “Milliy libos –ma’naviyat ko’zgusi” mavzusida tadbir bo’lib o’tdi.
Oliygohning Milliy libos fakulteti talabalari va viloyatda faoliyat yuritayotgan dizayner qizlar tomonidan o‘zbek milliy qadriyatlarini o‘zida mujassamlashtirgan “Milliy libos –ma’naviyat ko’zgusi” liboslar namoyishi bo‘lib o‘tdi.
Ushbu tadbirni o‘tkazishdan asosiy maqsad esa yoshlarning ma’naviyatida tarixiy qadriyatlarimizga bo‘lgan e’tiborini oshirish, kelajakda ular barkamol inson bo‘lib tarbiya topishiga erishishdir.
Tadbir davomida Milliy libos fakultetining o'qituvchilari Rahimqulova Sarvinoz va Boltayeva Iqbol tomonidan Surxondaryoning milliy libos va milliy taqinchoqlari to'g'risida o'z ilmiy ishlaridan kelib chiqgan holda ma'lumotlar berishdi.
Albatta, buning zamirida yoshlarimizning kiyinish madaniyatiga bo‘lgan munosabati yaxshilanadi, shu bilan birga o‘zbek milliy qadriyatlarimizni asrab-avaylashda davom etadi.
Termiz davlat universiteti Matbuot xizmati
