ТерДУда “Уч авлод учрашуви” бўлиб ўтди

ТерДУда “Уч авлод учрашуви” бўлиб ўтди

Madaniy-ma’rifiy tadbirlar, Ommaviy tadbirlar, Rasmiy tashriflar., Rasmiy tashriflar
1954 йилда ташкил этилган Термиз педагогика институтининг фаолият кўрсатаётганига 65  йил тўлди. Бу вақт нуқтаи назаридан тарих олдида сонияга тенг. 1965 йилда Сурхондарёда қайта ташкил этилган Ойбек номидаги Термиз педагогика институтига ўқишга кириб, 1969 йилда мазкур олий ўқув юртини битирганларига 50 йил тўлган битирувчилар Термиз давлат университетига ташриф буюрдилар. Шу муносабат билан университетда битирувчилар, уларнинг устозлари ҳамда талаба-ёшлар иштирокида “Уч авлод учрашуви” номли тадбир уюштирилди. Тадбир аввалида сўз олганлар марҳум устозлари ва курсдошларини хотирлаб, улар иштирокидаги, талабалик давридаги воқеаларни эсга олишди. Сўзга чиққанлар 1969 йилда Тил-адабиёт йўналиши бўйича тамомлаган биринчи қалдирғочлар, маърифат фидойилари ҳақида, уларнинг иш фаолияти, эришган ютуқлари тўғрисида йиғилганларга сўзлаб беришди. Тадбир давомида Санъатшунослик факультети талабаларининг мусиқий чиқишлари тадбирга ўзгача руҳ бағишлади. Якунда ташкилотчилар томонидан битирувчи ва уларнинг устозларига эсдалик совғалари топширилди.
Batafsil
ТерДУ профессор-ўқитувчилари Мастер класс  ўтишмоқда

ТерДУ профессор-ўқитувчилари Мастер класс ўтишмоқда

Davra suhbati, Ommaviy tadbirlar, Rasmiy tashriflar.
Бугун таълим-тарбия соҳасида, ўқитувчи ва мураббийларимиз, фарзандларимиз ҳаётида янги давр бошланмоқда. Бу даврни янада чуқур маъно-мазмун билан тўлдириб, “Миллий юксалишга эришиш даври”  ҳам деб аташимиз мумкин. Ана шундай давр карвонбошиларидан ҳисобланган Термиз давлат университети профессор-ўқитувчилари  нафақат олий ўқув юрти, балки  мактаб, лицей ва коллежларда таҳсил олаётган ёш авлод тарбиясига ҳам алоҳида эътибор билан қаратишмоқда. Жумладан, 2019 йилнинг 22 ноябрь куни университетнинг “Тожик филологияси ва шарқ тиллари” кафедраси ўқитувчиси Жамаҳматов Каромиддин Айнилло ӯғли  Самарқанд вилоятининг Ургут туманидаги          32-сонли умумий ўрта таълим мактабига ташриф буюрди. Дастлаб мактабдаги ўқитувчи ва ўқувчиларга яратилган шарт-шароитлар билан яқиндан танишган ўқитувчи “Илм фазилатлари” мавзусида очиқ дарс ўтди.  Савол-жавоб, фикр-мулоҳазаларга бой бўлган дарсдан сўнг ўқувчилар К.Жамаҳматовга қизиқарли дарс учун  ўз миннатдорчиликларини билдириб, яқин кунларда Сурхондарёдаги тарихий обилар, диққатга сазовор жойларга саёҳат уюштириб,  ТерДУга ҳам ташриф буюришларини маълум қилишди.
Batafsil
Германиянинг “Praktikum4people” компанияси раҳбари ТерДУга ташриф буюрди

Германиянинг “Praktikum4people” компанияси раҳбари ТерДУга ташриф буюрди

Davra suhbati, Ommaviy tadbirlar, Rasmiy tashriflar., Rasmiy tashriflar
Хабарингиз бор Термиз давлат университетининг Туризм ва меҳмонхона хўжалиги таълим йўналишининг иқтидорли талаба-ёшлари Германияда 3-6 ойлик амалиёт ўташ учун юборилмоқдалар. Бугун ушбу жараёнларнинг бевосита ташкилотчиси ҳисобланган "Praktikum4people" компанияси раҳбари Германиялик Ҳайке Витҳоп хоним университетга ташриф буюрди. Дастлаб меҳмонни ўқув ишлари бўйича проректор Ў.Ахмедов кутиб олди. Самимий ва қизғин ўтган учрашув давомида келгусидаги ҳамкорлик шартномалари имзоланиб, якунда томонлар бир-бирларига эсдалик совғаларини топширишди. Шундан сўнг меҳмон университет талаба-ёшлари билан учрашиб электрон слайдлардан фойдаланган ҳолда "Praktikum4people" компаниясининг фаолияти, мақсад ва вазифалари ҳақида йиғилганларга батафсил маълумот берди. Учрашув сўнгида талабалар ўзларини қизиқтирган саволларга Ҳайке Витҳоп хонимдан жавоблар олишди.
Batafsil
ПОЛЬШАЛИК ПРОФЕССОР ТЕРДУДА ДАРС ЎТМОҚДА

ПОЛЬШАЛИК ПРОФЕССОР ТЕРДУДА ДАРС ЎТМОҚДА

Ommaviy tadbirlar, Rasmiy tashriflar., Rasmiy tashriflar
Польшанинг Гданьск университети “Инглиз тили ва назарий тилшунослик”  кафедраси  профессори  Дорота Силвия Маевич Термиз давлат университетига ташриф буюрди. Дорота Силвия хоним университетлар ўртасида тузилган ҳамкорлик шартномасига  асосан 2019 йил  2 ноябрдан  2020  йил  31 январгача  Хорижий тил ва адабиёт (ингиз тили) ҳамда Филология ва тилларни ўқитиш (инглиз тили) таълим йўналишининг 3-босқич талабаларига амалий машғулотларни ўтади. Маълумот ўрнида: Гданьск университети Польшадаги энг йирик олийгоҳлардан бири ҳисобланиб  1970 йилда ташкил этилган. Университетда ҳозирги кунда жами 29 минг нафар талаба-ёшлар ўқиб билим олишади.
Batafsil
ТЕРДУ ЎҚИТУВЧИСИГА “ИННОВАЦИОН ҒОЯЛАР ЕТАКЧИСИ” КЎКРАК НИШОНИ ТОПШИРИЛДИ

ТЕРДУ ЎҚИТУВЧИСИГА “ИННОВАЦИОН ҒОЯЛАР ЕТАКЧИСИ” КЎКРАК НИШОНИ ТОПШИРИЛДИ

Davra suhbati, Rasmiy tashriflar., Rasmiy tashriflar
Тошкент шаҳридаги  “Ўзэкспомарказ”нинг конференциялар залида “InnoWeek.Uz-2019” инновацион ғоялар ҳафталиги доирасида “Инновацион ғоялар етакчиси” кўкрак нишонини топшириш маросими ўтказилди. Мукофотланганлар  сафида Термиз давлат университетининг катта ўқитувчиси Менглиев Шайдулла Абдусаломовичнинг борлиги қувонарли, албатта.  Мукофотларни Ўзбекистон Республикаси Президенти маслаҳатчиси Абдужаббор Абдувахитов, Инновацион ривожланиш вазири Иброҳим Абдураҳмонов  ҳамда Ўзбекистон Республикаси  Ёшлар иттифоқи марказий кенгаши раиси Алишер Саъдуллаевлар топширди.  Иккинчи бор ташкил этилаётган ҳамда, Ўзбекистон ва хорижий давлатларнинг етакчи ишбилармон доира вакиллари, етук олимлар, компания бошқарувчилари иштирок этиши кутилаётган ҳафталик доирасида Халқаро инновацион кўргазма, Халқаро инновациялар ва инвестициялар форуми ҳамда Халқаро робототехника мусобақаси ўтказилади. Кўргазамадан  Ш.Менглиевнинг “Қувурлардаги бетартиб (турбулент) суюқликлар оқимини тартибли (ламинар) ҳолатга келтириш” қурилмаси ҳам ўрин олган.
Batafsil