183 Views
Термиз давлат университетида факультетлараро “Қувноқлар ва Зукколар” беллашуви саралаш ўйинларининг биринчи давра учрашуви бўлиб ўтди. Тадбирда 3 та факультет жамоалари: Мактабгача таълим факультетининг “Бошқача”, Хорижий филология факультетининг (UNIQUE STAR) “Ягона юлдузлар” ҳамда Физика-математика факультетининг “Қувноқ қаҳрамонлар” жамоалари ўзаро беллашдилар. Ҳакамлар ҳайъатининг қарорига кўра “Қувноқ қаҳрамонлар” жамоаси 12,1 балл тўплаб 1-ўринни, “Бошқача” жамоаси 11,7 балл билан 2-ўринни ҳамда (UNIQUE STAR) “Ягона юлдузлар” жамоаси 11,5 балл билан 3-ўринни эгаллади. Якунда тадбир ташкилотчилари томонидан энг фаол иштирокчиларга фахрий ёрлиқ ва эсдалик совғалари топширилди.
