АҚШ элчихонаси вакиллари ТерДУда меҳмон бўлишди

АҚШ элчихонаси вакиллари ТерДУда меҳмон бўлишди

UCHRASHUV VA TADBIRLAR
Бугунги кунда дунёга очилган Термиз давлат университетига жаҳоннинг кўпгина етакчи давлатлари, халқаро ташкилот вакиллари катта қизиқиш билдиришмоқда. Шу сабаб университетда улар иштирокида турли тадбирлар, давра суҳбатлари ва семинарлар ўтказилмоқда. Навбатдаги учрашув Американинг Ўзбекистондаги элчихонаси  вакиллари билан бўлиб ўтди. “English Language Fellow” дастури доирасида Бишкек, Тошкент va Бухоро шаҳарларидаги ОТМ ларида фаолият олиб бораётган Шеннон Роуч, Жилл Тайсон, Мина Гевел лар ТерДУ Хорижий филология факультетида профессор-ўқитувчилар учун маҳорат дарсларини олиб боришди. Дарс ўтиш методикаси, талабаларда инглиз тилида гапириш ва ёзиш кўникмасини ошириш, инглиз тили дарсларида  режа тузиш бўйича фикр алмашилди. Интерактив машғулотлар асосида ўтган семинар тренингда фаол иштирок этганларга ташкилотнинг сертификатлари берилди.
Batafsil
ТерДУ: Ватан ҳимояси муқаддас бурч

ТерДУ: Ватан ҳимояси муқаддас бурч

UCHRASHUV VA TADBIRLAR
Мана бир неча кундирки Термиз давлат университетида Ватан ҳимоячилари куни кенг миқёсида байрамона кўринишда нишонланмоқда. “Ватанпарварлик миллий юксалиш кафолати” шиори остида ўтказилаётган тадбирлар барча факультетларда турли хил кўринишларда ўтказилаяпти. Чегара қўшинлари кўприкни қўриқлаш батальони, махсус бўлинма ва кинология бўлинмаси хизматчилари иштирокидаги тадбир талаба ёшлар учун таассуротларга бой бўлди. Ҳарбий хизматчиларнинг саф тортиши, жанговор ва спорт чиқишлари барчага бирдек манзур бўлди. Ўз навбатида университет талабалари ҳам ҳарбий кўринишларни намойиш қилишди. Шунингдек, ватан ҳимоячилари куни муносабати билан университет талабалари ўртасида Заковат беллашуви ҳам ўтказилди. Унда иштирокчи жамоаларга ватанимиз ҳарбий салоҳиятига оид савол ва топшириқлар берилди. Якунда ғолибларга эсдалик совғалари улашилди.
Batafsil
ТерДУ талаба-ёшларидан янги ғалабалар

ТерДУ талаба-ёшларидан янги ғалабалар

UCHRASHUV VA TADBIRLAR
Термиз шаҳридаги “Баркамол авлод” болалар марказида Сурхондарё вилоятидаги олийгоҳлар талабалари ўртасида спортнинг шахмат ва шашка турларидан Универсиада – 2020 спорт мусобақаларининг саралаш босқичи ўтказилди. Қувонарлиси, ҳар иккала спорт туридан ҳам йигит ва қизларимиз ўз тенгдошларини мағлуб этиб, юқори натижаларни қўлга киритишди.Жумладан, қизлар ўртасида ўтган шахмат мусобақасида Маманаова Сайёра, шашка спорт туридан Суюнова Сайёралар 1 – ўринни қўлга киритишган бўлсалар, йигитларимиздан Бобоқулов Темур шахмат спорт туридан, Мухаммадиев Элёр эса шашка спорт туридан 1 – ўринларни банд этишди.Вилоятдаги олийгоҳ талабалари ўртасида тенгсиз эканликларини яна бир бор исботлаган талаба-ёшларимизга Универсиада – 2020 спорт мусобақаларининг республика босқичида ҳам омад ёр бўлишини тилаб қоламиз.
Batafsil
ТерДУда “Ватанпарварлик ойлиги” доирасидаги тадбирлар давом этмоқда

ТерДУда “Ватанпарварлик ойлиги” доирасидаги тадбирлар давом этмоқда

UCHRASHUV VA TADBIRLAR
Термиз давлат университетида 14 январь Ватан ҳимоячилари кунига бағишлаб ўтказилаётган тадбирлар давом этмоқда. Жумладан шу каби тадбирлар университетнинг Педагогика, Санъатшунослик ва Хорижий филология факультетларида ҳам бўлиб ўтди. “Ватан сарҳадлари мардлар қўлида” шиори остида ўтказилган тадбирда Термиз шаҳридаги 11506-ҳарбий қисм хизматчи-ходимлари таклиф этилдилар. Факультетлар талаба-ёшлари томонидан намойиш этилган турли чиқишлар йиғилганлар қалбида Ватанга муҳаббат ҳиссини уйғотишга хизмат қилди.
Batafsil
ТерДУда “Ватанпарварлик – миллий юксалиш кафолати” шиори остида фестивал ташкил этилди

ТерДУда “Ватанпарварлик – миллий юксалиш кафолати” шиори остида фестивал ташкил этилди

UCHRASHUV VA TADBIRLAR
Термиз давлат университетида 14 январь Ўзбекистон Республикаси Қуролли Кучлари ташкил этилганлигининг 28 йиллиги ва Ватан ҳимоячилари кунига бағишлаб Ўзбекистон Республикаси Миллий гвардияси вилоят бўлинмаси билан ҳамкорликда “Ватанпарварлик – миллий юксалиш кафолати” шиори остида фестивал ташкил этилди. Дастлаб Миллий гвардия вилоят бўлинмаси хизматчи-ходимлари ва университет талабалари ўртасида спортнинг футбол, волейбол, армрестлинг, баскетбол, югуриш турлари бўйича мусобақалар ташкил этилди. Шундан сўнг ҳарбий кўргазмалар намойиши бўлди. Тадбир сўнггида давра суҳбати ташил этилиб фестивалнинг фаол иштирокчилари ташаккурнома ва фахрий ёрлиқлар билан тақдирланишди.
Batafsil