Коррупция ҳар қандай давлат ва жамиятнинг сиёсий-иқтисодий ривожланишига жиддий путур етказади, давлатнинг конституциявий асосларини ва қонун устуворлигини заифлаштиради, пировардида инсон ҳуқуқ ва эркинликларининг поймол бўлишига олиб келади.
2019 йил 6 ноябрь куни Сурхондарё вилоятидаги олий таълим муассасаларида “Ёшларда коррупция ва бошқа ҳуқуқбузарликларга қарши муросасизлик туйғусини шакллантириш” мавзусида иншолар танловининг биринчи босқичи ўтказилди.
Унда Термиз давлат университетидан М.Хўжақулова, Низомий номидаги Тошкент педагогика университетининг Термиз филиалидан Ш.Раҳматова, Тошкент давлат техника университетининг Термиз филиалидан М.Шайдуллаева, Тошкент давлат аграр университетининг Термиз филиалидан Ф.Жўраева, Тошкент тиббиёт академиясининг Термиз филиалидан К.Улуғбердиева ҳамда Термиз давлат университетининг Денов филиалидан Ш.Фазлиддиновалар 1-ўринни эгаллаб танловнинг иккинчи босқичига иштирок этиш йўлланмасини қўлга киритишди. Энди улар ўзаро баҳсларда иштирок этишиб, ғолибликни қўлга киритган талаба танловнинг Республика босқичида иштирок этиш ҳуқуқига эга бўлади.
